Мы - беларусы!

Сёння мы сталі актыўнымі ўдзельнікамі акцыі, з якой стартаваў тыдзень беларускай мовы і літаратуры ў нашай школе.

"Сто разоў шукай другой красы,

А тым больш, што свет даўно ня вузкі!

...Ды калі ты не бязродны сын - 

Гавары са мной па-беларуску!"

Настаўніца беларускай мовы і літаратуры Дзягцярык Галіна Адамаўна запрасіла нас прыняць удзел у акцыі, прапанаваўшы пабыць у ролі перакладчыкаў. 

Хоць мы не ведаем увесь алфавіт, і ўрокі беларускай мовы ў нас праходзяць толькі адзін раз на тыдзень і вусна, з некаторым хваляваннем, пагадзіліся пагуляць. На ўроках роднай мовы ў класе мы таксама вельмі часта пераўвасабляемся ў перакладчыкаў.

Чыталі словы па-руску і перакладалі іх на беларускую мову. І ў нас гэта атрымлівалася! Шчодрая гаспадыняза правільныя адказы  ўзнагароджвала нас смачнымі цукеркамі. 

А тое, што нам крыху падказвалі, будзе нашай маленькай таямніцай. ;)